سلام ، هذي أول تدوينة لي بما اني جديدة وصار لي فتره أحب أقرا تدوينات
لكثير من الناس عجبتني الفكرة وقررت أفتح لي مدونة خاصة فيني و أشاركم
أفكاري وأبداعاتي وتجاربي وتكون من ضمن روتيني بما اني متخرجه وفاضيه .
كيف نستفيد من الأناناس من ناحية الديكور 🏠 ؟
طبعا جاتني فكره اني استفيد من شكل الاناناس الجميل بقطع الجزء العلوي من الاناناسه
اقطعها من هذا الجزء وأنظف أوراقها ب قطنه ومويه اذا كانت تحتاج تنظيف
و طلبت
مزهريه من جولي شيك سعرها ٢٧ ريال
و حطيت فيها مويه عشان نبات الاناناس 🍍
وهذا الشكل النهائي ، ومن قبل سويت فكره ثانية ب ورد الجبسوفيليا الابيض
جمعتها ورتبتها بشكل متساوي وربطتها بخيط نفس كذا
وبعدها حطيتها في المزهرية واضفت لها موية وعطر من زهور الريف
الريحه مرا فواحه واللي يميز هذا النوع من الورد انه حتى اذا جف شكله يبقى حلو
بس لحد يلمسه لا صار جاف يتنتف بسرعه
هذا الشكل النهائي ، وهذي كانت فكرتي 😁
